დასახელება: შუა ქალაქში /In the Middle City სეზონი 6
ჟანრი :სიტკომი
ავტორი: ღამის შოუ სტუდია
პროდიუსერ(ებ)ი:დავით გოგიჩაიშვილი, ირაკლი კაკაბაძე, ვანო ჭელიძე
მონაწილეობენ : გოგა ბარბაქაძე,ოთარ ტატიშვილი,ჯაბა კილაძე,მარიამ ჯოლოგუა,მაია დობორჯგინიძე,ქეთა ლორთქიფანიძე,თამუნა ნიკოლაძე,თათული ედიშერიშვილი

მოკლე შინაარსი:
ტელესერიალის ფორმატს ეწოდება სიტკომი – სიტუაციურ–კომედიური სერიალი. "ღამის შოუ სტუდიამ” ეს ფორმატი, როგორც სხვა გადაცემების შემთხვევაში ("ღამის შოუ”, "შაბათის შოუ”, "კანდიდატი” და სხვ.) ამერიკული ანალოგებიდან გადმოიღო. თუმცა, სიტკომის ფორმატი არ ითვლება მხოლოდ ამერიკულად. ბევრი სიტკომი ამერიკაში ბრიტანეთიდან გადაიღეს. ამერიკული სიტუაციური კომედიების მაგალითებია: "Friends”, "Everybody Loves Raymond”, "All in the Family”, "Home Improvement”, "Hannah Montanta”, "The Dick Van Dyke Show”, "I Love Lucy” და სხვ. მათგან ყველაზე თვალსაჩინო წარმომადგენლად "Friends” ითვლება. "ღამის შოუ სტუდიის” შემადგენლობა 2007 წლის ზაფხულში გაემგზავრა ამერიკაში, შეხვდა ზემოთხსენებული სიტკომების პროდიუსერებს, სცენარისტებს და დაესწრო ჩაწერების პროცესს. გარდა ამისა, გაიარა ტრეინინგი "Warner Brothers Studios”-ში და მოიპოვა ამ ფორმატის კეთების უფლება.

"შუა ქალაქში” წარმოადგენს ამერიკული სიტუაციური კომედიის ქართულ ვერსიას. გათამაშებული სიტუაციები არის მაყურებლისთვის კარგად ნაცნობი; პერსონაჟებშიც ადვილად ამოიცნობთ თქვენს მეზობელს, მეგობარს, ნათესავს… ისტორია ჩხეიძეებით იწყება. მათი ცხოვრება სავსეა კურიოზული მოულოდნელობებით. მათი ოჯახი შემოიფარგლება არაორდინარული მეგობრებითა (სანდრო, ეკა, ანანო) და მეზობლებით (ღლონტები). მარიკა და ირაკლი ახალგაზრდა წყვილია, ისინი შუა ქალაქში ცხოვრობენ, მარიკას ბიძაშვილ დათოსთან ერთად. დათო თავს მათი ოჯახით ირჩენს. რა შეიძლება ოჯახმა ინატროს, თუ არა – კარგი მეზობლები? ქეთევან და თამარ ღლონტები სწორედ ასეთ ადამიანებად მოიძებნებიან; მათი ცხოვრების არც ერთი დღე არ ჰგავს ერთმანეთს, ისინი შესაფერისი ქმრის ძიებაში არიან. დების სასიცოცხლო სახსრებს ჩხეიძეების ოჯახი და ლიფტის ფული წარმოადგენს